Chester U. Strait & Florence T. Strait

Chester U. Strait & Florence T. Strait

Chester Strait cu Glenwood City, Wisconsin ah December 21, 1893 ni ah a chuak.  1923 kum ah University of Menesota in B.A degree le 1925 kum ah Berkeley Baptist Divinity School in B.D degree a hmu.  July 31, 1920 ni ah Florence Talbot he an i um.  June 2, 1925 ni ah American Baptist Foreign Mission Society nih Burma ram ah rianttuan ding in an thlah.  Hakha khua ah rianttuan ding in an kal.  Hakha khua cu April 5, 1926 ni ah an fa le Betty le David he an phan.  Chester Strait cu thawngttha chim long si lo in Laimi nunning a san khawh nak ding in aa zuam.  Tuu zuatnak, kawfi le lakphak cinning le chapiat siam ning hna kha a chimh hna.  Chinmi zong kha facang cin a fial hna.

March 1932 in January 1935 chung hi USA ah an um i Barkeley Baptist Divinity School in Th. D & Th. D degrees kha a hnga. Strait te nupa nih May 1, 1928 ni ah siangngakchia 13 he Chin Hills Bible School kha Hakha khua ah a dirh.  1934 kum ah Sunday School cawn ding mi set khatnak kha a nam. A hnu deuh ah set hnihnak kha a nam tthan.  Lai holh in The Pilgrim Progress kha a ttial nain a chuah thai lo.  Rev. Sang Ling, pastor of Hakha Baptist Church, bawmhnak in Hakha holh in Biakam Thar kha an leh i Rangoon khua um Mission Press ah 1940 kum ah an nam.  Hakha Hla cauk kha hla fung 283 tluk an tuah chap i 1937 kum ah an nam.

Strait te chungkhar cu December 1940 thla ah USA tlawng ding in Hakha in an chuak.  Hakha an kir tthan ti lo.  California ah Ralkap chaplain a ttuan i khrifabu tam ngai sinah rian a ttuan.  Dr. Strait cu Berkeley khua ah March 4, 1980 ni ah a thi.  A nupi cu September 18, 1985 ni ah a thi ve.

Related Posts :

  • Joseph Herbert Cope & Elizabeth S. Cope J. Herbert Cope cu November 21, 1882 ni ah a chuak.  1904 kum ah University o ...

  • Arthur cu August 6, 1860 ni ah Columbus, Iowa ah a chuak.  August 29, 1885 ni ah Baptist pastor sinak in chitithuh a si.  April 16, 1886 ni ah Chinmi hna sinah Pathian rianttuan ding in aa pumpe.  ...

  • Robert G. Johnson & Elizabeth L. Johnson Robert Johnson cu Chicago, Illinios ah May 1, 1915 ni ah a chuak.  1938 ah W ...

  • Erik H. & Emily J. East Erik H. East cu February 2, 1866 ni ah Sweden ram ah a chuak.  1885 kum ah an chungkhar in USA ...

  • John G. Woodin & Bessie L. Woodin John Woodin cu Iola, Kansas ah July 27, 1883 ni ah a chuak.  1905 ah University of ...

Leave a Comment